"မန္တလေးပြီးရင် နေပြည်တော် "
အဘ
၁။ မန္တလေး နန်းတွင်းထဲက တပ်ချုပ်ရဲ့ ပြည်တော်ဝင် ယတြာကို တော်လှန်ရေးအဖွဲ့တွေ ကြိုသိနေခြင်း
အဘရေ... မန္တလေး နန်းတွင်းထဲမှာ တပ်ချုပ်ကြီးက မနက် ၄ နာရီခွဲအချိန်မှာ "ပြည်တော်ဝင် ယတြာ" ချေဖို့ ပြင်နေတုန်း တော်လှန်ရေးအဖွဲ့တွေက ရှော့တိုက်ဒုံး ၅ လုံးနဲ့ ကွက်တိ ပစ်ထည့်လိုက်တာ ၃ လုံးက နန်းတွင်းထဲကို တည့်တည့်မှန်သွားတယ်ဗျ။ တိုင်းမှူးအိမ်ကိုလည်း ထိသွားတယ်တဲ့။ အဘကတော့ "ယတြာချေတာက ပြည်တော်ဝင်ဖို့ပါ၊ အခုတော့ ပြည်တော်ပြေး ဖြစ်သွားပြီ" ဆိုပြီး လှောင်နေရှာပါတယ်။
၂။ စစ်ကိုင်း ချောင်းမကြီးရွာမှာ စစ်ကြောင်း ကြားဖြတ်တိုက်ခိုက်ခံရပြီး ၁၀ ဦး သေဆုံးခြင်း
စစ်ကိုင်းတိုင်း မင်းကွန်းတိုက်နယ် ချောင်းမကြီးရွာကို စစ်ကြောင်းထိုးလာတဲ့ တပ်မ (၃၃) နဲ့ ပျူစောထီး ပူးပေါင်းအင်အား ၁၅၀ ကျော်ဟာ လမ်းမှာတင် တော်လှန်ရေးအဖွဲ့တွေရဲ့ ကြားဖြတ်တိုက်ခိုက်မှုကို ခံလိုက်ရတယ်ဗျ။ အဘတို့ဘက်က ၁၀ ဦး သေပြီး စစ်ကြောင်းတစ်ခုလုံး ဖရိုဖရဲနဲ့ ခွေးပြေးဝက်ပြေး ပြေးရတယ်တဲ့။ အဘက "ငါတို့ဘက်က တပ်ပျက်နေပြီဆိုတာ ကျိန်းသေနေပြီ" ဆိုပြီး ဝန်ခံနေရှာပါတယ်။
၃။ ရွာငန်-အောင်ပန်း လမ်းမှာ မိုင်းစာမိလို့ အဘသား ၁၅ ဦး သေဆုံးမှု
ရှမ်းပြည်နယ်တောင်ပိုင်း ရွာငန်မြို့ကနေ ထွက်လာတဲ့ အဘတို့ စစ်ကားတန်းကို ရွာငန်-အောင်ပန်း လမ်းပိုင်း မြိုင်ကျေးရွာနားမှာ တော်လှန်ရေးအဖွဲ့တွေက မိုင်းဆွဲတိုက်ခိုက်တာ ၁၅ ဦး သေပြီး ကားတစ်စီးလည်း မီးလောင်ပြာကျသွားတယ်ဗျ။ အဘက "ငါတို့က အင်အား ၅၀ ကျော်နဲ့ သွားတာကို လမ်းမှာတင် မုန့်ဟင်းခါး ကျွေးခံလိုက်ရပြီလား" ဆိုပြီး စိတ်ပျက်နေတာပါ။
၄။ မြင်းခြံက မဲရုံနဲ့ ကြံ့ဖွတ်ရုံးတွေကို ဒရုန်းနဲ့ ဗုံးကြဲတိုက်ခိုက်ခြင်း
မန္တလေးတိုင်း မြင်းခြံမြို့ပေါ်က ကြံ့ဖွတ်ပါတီရုံးနဲ့ မဲရုံတွေကို တော်လှန်ရေးအဖွဲ့တွေက ဒရုန်းနဲ့ ဗုံးကြဲတာ အဘတို့ဘက်က အတုံးအရုံး သေကုန်ကြပြီဗျ။ အဘကတော့ "ငါတို့က မဲလိမ်ဖို့ ပြင်ထားတဲ့ နေရာတွေကိုမှ ကွက်တိလာကြဲတာလား" ဆိုပြီး အံ့ဩနေပါတယ်။ တော်လှန်ရေးအဖွဲ့တွေက အဘတို့ ဘယ်အချိန် ထမင်းစားလဲ၊ ဘယ်အချိန် အိပ်လဲကအစ အပိုင်တွက်ပြီးမှ လာချတာဗျ။
၅။ ဖလမ်းမှာ စစ်ကြောင်း ကြားဖြတ်ခံရလို့ အဘတို့ လေယာဉ်နဲ့ ဗုံး ၅၀ ကျော် ကြဲချမှု
ချင်းပြည်နယ် ဖလမ်းမြို့ကို စစ်ကြောင်းထိုးလာတဲ့ အဘတို့လူတွေ လမ်းမှာတင် ကြားဖြတ်တိုက်ခိုက်ခံရလို့ ၇ ဦး သေသွားတယ်ဗျ။ အဲ့ဒါကို အဘတို့ဘက်က မခံနိုင်လို့ လေယာဉ်နဲ့ ဗုံးအလုံး ၅၀ ကျော် ပြန်ကြဲတာ ပြည်သူတွေပဲ ထိခိုက်ကုန်ကြပြီ။ အဘက "ဗုံးတစ်လုံးကို ၅ သိန်းနဲ့တွက်ရင်တောင် ဘဏ္ဍာငွေတွေ ဘယ်လောက် ဆုံးရှုံးနေပြီလဲ" ဆိုပြီး နှမြောတသ ဖြစ်နေပါတယ်။
၆။ အာဏာသိမ်းမှုကို အသိအမှတ်မပြုဘဲ ချိန်ညှိဆက်ဆံရေးမူကို သုံးမယ့် ထိုင်းနိုင်ငံ
ထိုင်းနိုင်ငံက အဘတို့ရဲ့ စစ်အာဏာသိမ်းမှုကို တရားဝင် အသိအမှတ်မပြုသလို၊ ရွေးကောက်ပွဲကိုလည်း လက်မခံဘူးလို့ ပြောလိုက်ပြီဗျ။ သူတို့က "ချိန်ညှိဆက်ဆံရေး" (Decoupling Agreement) ဆိုတဲ့ မူဝါဒသစ်ကိုပဲ သုံးတော့မယ်တဲ့။ အဘကတော့ "လူစကား လူယုံ၊ ခွေးစကား ခွေးယုံ လို့ပဲ ပြောလိုက်ချင်တယ်" ဆိုရင်း နောက်ဆုံး သေစာရင်း ၂၇ ဦးနဲ့ အဆုံးသတ်လိုက်ပါတယ်။
